1 ա Ինձ լսեցէք, ով բ արդարութեան հետեւողներ, ով Տիրոջը խնդրողներ, նայեցէք այն վէմին, որից դուք կտրուած էք, եւ այն հորի գուբին, որից դուք փորուած էք. 2 Նայեցէք գ ձեր հայր Աբրահամին, եւ ձեզ ծնող Սարրային. դ որովհետեւ մէկ հատ էր նա, որ ես կանչեցի, բայց ես ե նորան օրհնեցի եւ նորան բազմացրի։ 3 Որովհետեւ Տէրը պիտի զ մխիթարէ Սիօնին, պիտի մխիթարէ նորա բոլոր աւերակները, եւ նորա անապատը դրախտի նման պիտի շինէ, եւ նորա ամայի տեղը՝ է Տիրոջ պարտէզի պէս. Ցնծութիւն եւ բերկրութիւն պիտի գտնուի նորանում, գովասանութիւն եւ օրհներգութեան ձայն։ 4 Ուշադիր եղիր դէպի ինձ, ով իմ ժողովուրդ, եւ ով իմ ազգ, ինձ ականջ դիր. ը որովհետեւ ինձանից օրէնք է դուրս գալու, եւ իմ իրաւունքը իբրեւ թ լոյս պիտի հաստատեմ ազգերի համար։ 5 ժ Մօտ է իմ արդարութիւնը, դուրս է եկել իմ փրկութիւնը, եւ ի իմ բազուկները դատում են ժողովուրդներին։ լ Կղզիները ինձ են յոյս դնում, եւ խ իմ բազուկին ապաւինում։ 6 ծ Բարձրացրէք ձեր աչքերը դէպի երկինք, եւ նայեցէք երկրին դէպի ցած. կ որովհետեւ երկինքը պիտի ծուխի պէս ցրիւ գայ, եւ հ երկիրը հանդերձի պէս պիտի մաշէ. Եւ նորա բնակիչները այսպէս պիտի մեռնեն. Բայց իմ փրկութիւնը յաւիտեան պիտի լինի, եւ իմ արդարութիւնը չի պակասիլ։
7 ձ Լսեցէք ինձ, ով արդարութիւն ճանաչողներ, ով ազգ, որ ղ իմ օրէնքն ունիս սրտումդ. ճ մի վախենաք մարդկանց նախատինքից, եւ նորանց բամբասանքից մի զարհուրիք։ 8 Որովհետեւ ցեցն է ուտելու նորանց մ հանդերձի պէս, եւ մեցը ուտելու է նորանց բուրդի պէս. Բայց իմ արդարութիւնը յաւիտեան պիտի լինի, եւ իմ փրկութիւնը յաւիտեանս յաւիտենից։
9 յ Զարթնիր, զարթնիր, զօրութիւն հագիր, ն ով Տիրոջ բազուկ, զարթնիր շ առաջի օրերին պէս, հին դարերին պէս, ո մի՞թէ դու այն չես, որ չ ջարդեցիր Ռահաբը, որ պ վիշապին խոցեցիր։ 10 Մի՞թէ դու այն չես, որ ջ ծովը ցամաքեցրիր, մեծ անդունդի ջուրերը. Որ ծովի խորերումը ճանապարհ շինեցիր, փրկուածների անցնելու համար։ 11 Եւ ռ Տիրոջ փրկուածները ետ պիտի դառնան, եւ գան Սիօն ցնծալի երգերով, եւ յաւիտենական ուրախութիւն պիտի լինի նորանց գլխին, ցնծութեան եւ ուրախութեան պիտի հասնեն. Պիտի փախչեն տրտմութիւնը եւ հեծութիւնը։
12 Ես՝ ս ես եմ ձեզ մխիթարողը, դու ո՞վ ես, վ որ վախենում ես մահկանացու մարդից, եւ մարդի որդիից, տ որ խոտի նման է շինուած։ 13 Եւ մոռանում ես քեզ ստեղծող Տիրոջը, ր որ տարածում է երկինքը եւ երկիրը հաստատում. Եւ վախենում ես միշտ ամեն օր բռնաւորի բարկութիւնիցը, որ կածես թէ պատրաստ է քեզ կորցնելու, ց բայց ո՞ւր է բռնաւորի բարկութիւնը։ 14 Կալանաւորը շուտով պիտի արձակուի, ւ եւ չի մեռնիլ գուբի մէջ, եւ նորա հացը չի պակասուիլ։ 15 Եւ ես եմ քո Տէր Աստուածը, փ որ սաստում եմ ծովին, երբոր նորա ալիքները աղմուկ են հանում. Զօրաց Եհովայ է իմ անունը։ 16 Եւ ք իմ խօսքերը դրի քո բերանումը, եւ օ իմ ձեռքի հովանովը ծածկեցի քեզ ֆ որ երկինքը դնեմ եւ երկիրը հիմնարկեմ, եւ ասեմ Սիօնին՝ Իմ ժողովուրդն ես դու։
17 և Զարթնիր, զարթնիր, վեր կաց, ով Երուսաղէմ, ա որ խմեցիր Տիրոջ ձեռքից նորա բարկութեան բաժակը, որ բ թմրութեան լայնադիր բաժակը խմեցիր քամեցիր։ 18 Մի առաջնորդող չ’ունի իր ծնած բոլոր որդկանցից, եւ ձեռքիցը բռնող չ’կայ իր մեծացրած բոլոր որդկանցից։ 19 գ Երկու բաներ են, որ քեզ պատահել են. Ո՞վ է կարող քեզ մխիթարել. Կործանում ու կոտորած, եւ սով ու սուր. Ես քեզ դ որո՞վը մխիթարեմ։ 20 ե Քո որդիքը նուաղած պառկել են ամեն փողոցների գլխին որոգայթի մէջ փաթաթուած վայրի այծի պէս, որոնք լիքն են Տիրոջ բարկութիւնովը, քո Աստուծոյ յանդիմանութիւնովը։ 21 Ուրեմն լսիր այս, ով խեղճ, եւ ով արբած, զ բայց ոչ թէ գինով. 22 Այսպէս է ասում քո Տէրը՝ Եհովան, եւ քո Աստուածը, է որ պաշտպանում է իր ժողովուրդը. Ահա առնում եմ ձեռքիցդ թմրութեան բաժակը, եւ դու այլ եւս պիտի չ’խմես այն։ 23 Եւ ը նորան դնում եմ քեզ հարստահարողների ձեռքին, թ որոնք ասում էին քո անձին. Ծռիր որ մենք անցնենք. Եւ դու քո մէջքը երկրին հաւասար արիր եւ փողոցի պէս՝ անցուդարձողների համար։
Եսայիա 51